అభీష్టద బ్రహ్మ స్తోత్రం
( ఈ స్తోత్ర పారాయణ సంతానవృధ్ధికరము)
(జ్యేష్ఠమాసం అంతా ఈ స్తోత్ర పఠనం సర్వశుభప్రదం)
ఓం శ్రీ బ్రహ్మాయ నమః
నమో హిరణ్య గర్భాయ బ్రహ్మణే బ్రహ్మరూపిణే |
అవిజ్ఞాత స్వరూపాయ కైవల్యాయామృతాయ చ ||
యం న దేవా విజానంతి మనో యత్రాపి కుంఠితం |
న యత్ర వాక్ ప్రసరతి నమస్తస్మై చిదాత్మనే ||
యోగినో యం హృదాకాశే ప్రణిధానేన నిశ్చలాః |
జ్యోతిరూపం ప్రపశ్యంతి తస్మై శ్రీ బ్రహ్మణే నమః ||
కాలాత్ పరాయ కాలాయ స్వేచ్ఛయా పురుషాయ చ |
గుణత్రయ స్వరూపాయ నమః ప్రకృతి రూపిణే ||
విష్ణవే సత్త్వ రూపాయ రజో రూపాయ వేధసే |
తమసే రుద్ర రూపాయ స్థితి సర్గంత కారిణే ||
నమో బుద్ధి స్వరూపాయ త్రిధాహం కృతయే నమః |
పంచ తన్మాత్ర రూపాయ పంచ కర్మేంద్రి యాత్మనే ||
నమో మనః స్వరూపాయ పంచ బుద్ధీంద్రి యాత్మనే |
క్షిత్యాది పంచరూపాయ నమస్తే విషయాత్మనే ||
నమో బ్రహ్మాండ రూపాయ తదంతర్ వర్తినే నమః |
అర్వాచీన పరాచీన విశ్వరూపాయ తే నమః ||
అనిత్య నిత్య రూపాయ సదసత్ పతయే నమః |
సమస్త భక్త కృపయా స్వేచ్ఛా విష్కృత విగ్రహ ||
తవ నిశ్వసితం దేవాః తవ స్వేదో ఖిలం జగత్ |
విశ్వా భూతాని తే పాదః శీర్‌ష్ణో ద్యౌస్సమ వర్తత ||
నాభ్యా ఆసీదంతరిక్షం లోమాని చ వనస్పతిః |
చంద్రమా మనసో జాతః చక్షో: సూర్యస్తవ ప్రభో ||
త్వమేవ సర్వం త్వయి దేవ సర్వం
స్తోతా స్తుతి స్తవ్య ఇహ త్వమేవ |
ఈశా త్వయా వాస్యమిదం హి సర్వం
నమోస్తు భూయోపి నమో నమస్తే ||
ఇతి స్తుత్వా విధిం దేవాః నిపేతుర్ దండవత్ క్షితౌ|
పరితుష్ట స్తదా బ్రహ్మా ప్రత్యువాచ దివొకసః ||
యథార్ధ యానయా స్తుత్యా తుష్టోస్మి ప్రణతాః సురాః |
ఉత్తిష్ఠత ప్రసన్నోస్మి వృణుధ్వం వర ముత్తమం ||
యః స్తోష్యత్యనయా స్తుత్యా శ్రద్ధావాన్ ప్రత్యహం శుచిః |
మాం వా హరం వా విష్ణుం వా తస్య తుష్టాః సదా వయం ||
దాస్యామః సకలాన్ కామాన్ పుత్రాన్ పౌత్రాన్ పశూన్ వసు |
సౌభాగ్యం ఆయురారోగ్యం నిర్భయత్వం రణే జయం ||
ఐహికాముష్మికాన్ భోగాన్ అపవర్గం తథా క్షయం |
యద్యదిష్ట తమం తస్య తత్తత్ సర్వం భవిష్యతి ||
తస్మాత్ సర్వ ప్రయత్నేన పరితవ్యః స్తవోత్తమః |
అభీష్టద ఇతి ఖ్యాతః స్తవోయం సర్వ సిద్ధిదః ||
ఓం శ్రీ బ్రహ్మాయ నమః
ఓం శ్రీ బ్రహ్మాయ నమః
ఓం శ్రీ బ్రహ్మాయ నమః
Tags: Brahma Stotram, బ్రహ్మ స్తోత్రం, Lord Brahma Dev, Abheeshtadha Brahma Stotram, Devotional Stotrams, Bhakthi Stotralu Telugu